Azərbaycan, Bakı, 12 noyabr / Trend , müxbir K. Zərbalıyeva / Azərbaycan məhkəməsi rüşvət almaqda ittiham olunan keçmiş polis əməkdaşını cəzalandırıb.
Goranboy rayon polis şöbəsinin narkotiklərlə mübarizə bölməsinin sabiq rəisi Rəfael Nəzərov məhkəmənin hökmü ilə 4 il 6 ay müddətinə azadlıqdan məhrum edilib.
Nəzərov 1998 - ci ilin sentyabrında narkotika cinayətlərində şübhəli bilinən Oğuz, Qazax və Tovuz rayonlarında yaşayan şəxsləri tutaraq, Goranboy rayon polis şöbəsinə gətirib.
İttiham aktında qeyd olunub ki, o, həmin şəxsləri şöbədə üzləşdirib. Üzləşmək istəməyən şəxsləri bir - biri ilə cinsi əlaqəyə məcbur edib. Həmin şəxsləri 7- 8 sutka qanunsuz həbs edib.
Məhkəmə rüşvət alma, qanunsuz azadlıqdan məhrum etmə və vəzifə səlahiyyətlərini aşma cinayətlərində ittiham olunan sabiq polis əməkdaşı barəsində son iki ittiham üzrə cinayət işinə xitam verib.
Məqalə müəllifi ilə əlaqə ünvanı:[email protected]
