Azərbaycan, Bakı, 12 dekabr / Trend , müxbir S. Kazımlı / Azərbaycan paytaxtında istintaqı aparılan və həbsdə olan "GEN" MMC-nin rəhbəri Elburus Əliyevin barəsində seçilən həbs qətimkan tədbirinin müddəti yenidən uzadılıb. Bu barədə cümə günü Trend -a Əviyevin vəkili Telman Qasımov məlumat verib.
Trend -un arayışı: "GEN" MMC-nin rəhbəri Elbrus Əliyev iyunun 11-də saxlanılıb və Nəsimi rayon məhkəməsinin qərarı ilə barəsində 3 ay müddətinə həbs qətiimkan tədbiri seçilib. İstintaq araşdırmaları başa çatmadığı üçün istintaqın müddəti noyabrın 24-nə qədər uzadılıb. Əliyev barəsində Azərbaycan Cinayət Məcəlləsinin külli miqdarda ziyan vurmaqla dələduzluq etmə (178.3.2-ci) maddəsi ilə cinayət işi başlanılıb.
Bundan bir müddət sonra "GEN" MMC-nin rəhbəri Əliyevin müavini Nəbi Məmmədov və şirkətin mühasibi Həbib Ağayev həbs olunublar. Onlar Azərbaycan Cinayət Məcəlləsinin dələduzluq, külli miqdarda ziyan vurmaqla törədildikdə (178.3.2-ci) maddəsi ilə təqsirləndirilirərək, barələrində Nəsimi rayon məhkəməsinin qərarı ilə həbs qətimkan tədbiri seçilib.
İyulun 3-də şirkətinin baş mühasibi Əliyar Abbasov saxlanılıb. Abbasov şirkətin prezidenti Əliyevlə birgə dələduzluqda ittiham olunaraq həbs edilib.
Avqustun 30-da tikilən evlərin vətəndaşlara satılmasında vasitəçilik edən Mütəllim Babayev Azərbaycan Cinayət Məcəlləsinin külli miqdarda ziyan vurmaqla dələduzluq törədilməsi (178.3.2-ci) maddəsi təqsirləndirilərək barəsində həbs-qətimkan tədbiri seçilib. Həmin gün şirkət direktorunun kadrlarla iş üzrə müavini Mehbarə Cəfərzadəyə də ittiham elan olunub. İstintaq Cəfərzadəni təqsirləndirilən şəxs kimi tanıyıb və ona Azərbaycan Cinayət Məcəlləsinin külli miqdarda ziyan vurmaqla dələduzluq törədilməsi (178.3.2-ci) maddəsi ilə ittiham elan olunub. İstintaqda Cəfərzadədən istintaqdan icazəsiz hec yerə getməməsi haqda iltizam alınıb.
Sentyabrın 13-də Əliyevə qarşı dələduzluq etməkdə təqsirli bilinən İsmayıllı sakini Akif Səfər oğlu Məmmədov, sentyabrın 15-də isə Bakı sakini Zahid Arif oğlu Əliyev həbs ediliblər. Məlumata görə, Z.Əliyev fermer təsərrüfat yaratmaq adı ilə A.Əliyev E.Əliyevdən 290 min manat, A.Məmmədov isə torpaq ərazisi alınmasında vasitəçilik edəcəyinə görə 285 min manat alaraq mənimsəyiblər. Hər iki şəxsə barəsində Azərbaycan Cinayət Məcəlləsinin külli miqdarda ziyan vurmaqla dələduzluq törədilməsi (178.3.2-ci) maddəsi ilə təqsirləndirilirlər.
Sentyabrın 19-da sentyabrın "GEN" MMC-nin işi ilə bağlı barəsində axtarış elan olunan Elbrus Cəfərqulu oğlu Haciyev tutulub. O, əvvələr Rusiyada yaşayıb.
Elbrus Əliyevdən dələduzluq yolu ilə 80 min ABŞ dolları alıb mənimsədiyi üçün Bakı sakini Xanlar Müseyib oğlu Əliyev oktyabrın 24-də tutulub.
X.Əliyev "GEN" MMC yaradan şəxslərdən biri olub. O, E.Əliyevlə birlikdə şərik işləyib. Lakin bir müddətdən sonra o, E.Əliyevdən yuxarıda qeyd olunan miqdarda pulu alıb və şirkətdən kənarlaşıb.
Aparılan istintaq araşdırmaları ilə bağlı noyabrın 15-də 1962-ci il təvəllüdlü "Nəcibə" MMC-nin təsisçisi və direktoru Asif Meyli oğlu Ələmov Cinayət Məcəlləsinin dələduzluq, külli miqdarda ziyan vurmaqla törədildikdə (178.3.2-ci) maddəsi ilə təqsirli bilərək tutulub. O, 2006-cı ildə Bakı şəhərində "GEN" MMC-nin direktoru Elbrus Əliyevlə əlbir olaraq 40-dan çox vətəndaşın ev tikmək adı ilə 240 850 manatını mənimsəməkdə günahlandırılır. E. Əliyev həbs edildikdən sonra A.Ələmovun da bu cinayət əməlində iştirak etdiyi məlum olub.
Əliyevin 550 vətəndaşı aldadaraq onlardan 12 milyon manat pul alaraq mənimsədiyi bildirilir. İşlə bağlı istintaq Bakı şəhər Baş Polis İdarəsinin istintaq şöbəsində aparılır.
Qasımov bildirib ki, istintaq araşdırması başa çatmadığı üçün cümə axşamı E.Əliyevin barəsində seçilən həbs qətimkan tədbirinin müddəti üç ay üzadılıb. Vəkil hazırkı vəziyyətdə istintaqın uzadılmasının tərəfdarı olduğunu deyib. O, işlə bağlı 10-dan artıq şəxsin məsuliyyətə çəlb edildiyini, həmin şəxslərin Əliyevə qarşı dələduzluq etməkdə təqsirli bilindiyini qeyd edib. "İstintaq bu məsələləri araşdırmalıdır. Buna görə də, biz Elburus Əliyevin barəsində seçilən həbs qətimkan tədbirinin müddətinin yox, istintaqın müddətinin uzadılmasının istəyirik", - deyə vəkil bildirib.
Məqalə müəllıfı ılə əlaqə ünvanı:[email protected]
