Azərbaycan, Lənkəran, 12 yanvar / Trend , müxbir P.Əliyeva/ Azərbaycanın cənubunda yerləşən Lənkəranda (paytaxt Bakıdan 270 km məsafədə) QİÇS virusuna yoluxanların 70 faizi narkomanlar və ailə üzvləridir.
Lənkəran rayon Gigiyena və epidemiologiya mərkəzinin HİV diaqnostikası laboratoriyasının müdiri Rəmiəli İbişov bazar ertəsi Trend -a bildirib ki, ötən il rayonda 44 nəfər QİÇS daşıyıcısı aşkar olunub.
2004 - cü ildə mərkəzdə qeydiyyatda 46, 2006-cı ildə 83, 2007- də118 nəfər QİÇS daşıyıcısı olubsa, hazırda mərkəzdə 162 nəfər qeydiyyatdadır. Onlardan 82 faizi kişi, 18 faizi qadın, iki nəfəri on beş yaşadək olan uşaqdır. Rayonda 15 ailə QİÇS virusunun daşıyıcısıdır.
Rayonda HİV-dən ötən il 2, ümumilikdə 21 nəfər dünyasını dəyişib --17 kişi, 4 qadın.
.Məqalə müəllifi ilə əlaqə ünvanı: [email protected]
