Azərbaycan, Bakı, 15 may / Trend , müxbir D.İbrahimova /
Bədii Gimnastika üzrə Avropa Çempionatında ilk çıxışlardan sonra C qrupunda 89.225 xal toplayan Türkiyə liderlik edir. İkinci yerdə 82.875 xal ilə Rumıniya, üçüncü yerdə 82.225 xal ilə Latviya, dördüncü yerdə 80.950 xal ilə Belçika, beşinci yerdə 77.800 xal ilə Böyük Britaniya, altıncı yerdə 75.975 xal ilə Litva, yeddinci yerdə 75.225 xal ilə Norveç, səkkizinci yerdə isə 70.075 xal ilə Moldova qərarlaşıb.
Yerli vaxt ilə saat 13.30-da B qrupunun gimnastları çıxış etməyə başlayacaqlar.
Azərbaycan gimnastları güclülər qrupunda - A qrupunda çıxış edir.
Mayın 15-də Bakıda Bəddi Gimnastika üzrə 2009-cu il 25-ci Avropa Çempionatı start götürüb.Yarışın keçirilməsini Azərbaycan Gimnastika Federasiyası üzərinə götürüb. Yarışlarda 32 ölkədən 186 gimnast iştirak edəcək. Bu gün yerli vaxt ilə 18:30-da çempionatın rəsmi açılış mərasimi keçiriləcək.