Azərbaycan, Bakı, 10 iyun / Trend , müxbir K.Zərbalıyeva /
Azərbaycanın Ali Məhkəməsi özünü Milli Təhlükəsizlik Nazirliyinin əməkdaşı kimi təqdim edən İran vətəndaşı barəsində Baş Prokurorluğunun təqdim etdiyi protesti qəbul edib.
Ali Məhkəmədən çərşənbə günü Trend -a verilən məlumata görə, Baş Prokurorluq İran vətəndaşı Bəxşeyiş Ərdəşir barəsində verilən cəzanın yüngül olduğunu hesab edib və protestində onun cəzasının ağırlaşdırılması istənilib. Ali Məhkəmə işi yenidən baxılması üçün Apellyasiya Məhkəməsinə göndərib.
İran vətəndaşı Bəxşeyiş Ərdəşir Bakıda ayrı-ayrı şəxslərə özünü Milli Təhlükəsizlik Nazirliyinin əməkdaşı kimi təqdim edərək dələduzluq edib. Bu işdə ona Ağakərim Mirzəyev və Musa Mustafayev də yardım ediblər.
Ağır Cinayətlərə Dair İşlər üzrə Məhkəmənin hökmü ilə Baxşeyiş Ərdəşir 6 il azadlıqdan məhrum edilib. Dəstə üzvləri Ağakərim Mirzəyev 3000, Musa Mustafayev isə min manat məbləğində cərimələnərək azadlığa buraxılıblar.
Məqalə müəllifi ilə əlaqə ünvanı: [email protected]