Azərbaycan, Bakı, 17 iyun / Trend , müxbir C.Babayeva/ Birləşmiş Millətlər Təşkilatı (BMT) Azərbaycanın qeyri-hökumət təşkilatlarının fəaliyyətinə dəstək verəcək.
Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurası ilə BMT İnkişaf Proqramının Azərbaycandakı nümayəndəliyi ilə Anlaşma Memorandumu imzalanacaq. Bu barədə razılıq Şura sədri Azay Quliyev və BMT-nin Azərbaycandakı Rezident Əlaqələndiricisi, BMT İnkişaf Proqramının (İP) Azərbaycandakı rəhbəri Bruno Puezzanın görüşündə əldə olunub, Trend -un məlumatına görə, çərşənbə günü Şuranın yaydığı məlumatda bildirilib.
İmzalanması nəzərdə tutulan Memoranduma əsasən, BMT İP Azərbaycanın regional QHT-lərinin fəaliyyətinin səmərəli təşkili, onların bilik və bacarıqlarının artırılması üçün Şuraya institusional dəstək göstərəcək.
Məqalə müəllifi ilə əlaqə ünvanı: [email protected]