Azərbaycan, Bakı, 11 iyul / Trend /
İyulun 15-də Bakıda Azərbaycan jurnalist qadınların Birinci ümumrespublika forumu keçiriləcək. Forumun təşkilatçısı Azərbaycan Jurnalist Qadınlar Assosiasiyası olacaq. Bu barədə Trend -a Azərbaycan Jurnalist Qadınlar Assosiasiyasının prezidenti Sevil Yusifova məlumat verib.
Forum "Anadolu" restoranlar şəbəkəsinin sponsor dəstəyi ilə, "Ayna-Zerkalo" qəzetinin, TREND və "Xəbərlər-Azərbaycan" ("Новости-Азербайджан") agentliklərin informasiya dəstəyi ilə keçirəcək.
Forumda Mətbuat şurasının sədri Əflatun Amaşov, Türkiyə səfiri Hulusi Kılıç, Ailə, qadın və uşaq məsələləri üzrə dövlət komitəsinin sədri Hicran Hüseynova, BMT-nin Azərbaycandakı əlaqələndiricisi cənab Bruno Pouezat və Prezident administrasiyasının ictimai-siyasi şöbəsinin müdiri Əli Həsənovun çıxışı gözlənilir.
Forumun əlaqə telefonu: (050) 648 04 99.