Azərbaycan, Bakı, 17 sentyabr / Trend , müxbir F.Hüseynli /
Avropa Yüngül Atletika Assosiasiyasının ilin idmançısı adına namizədlər sırasında azərbaycanlı atlet Ramil Quliyev də var.
Trend -un məlumatına görə, 40 namizəd arasında 19 yaşlı azərbaycanlı atlet Ramil Quliyev də var. Həmyerlimiz dünya çempionatının finalında 200 m məsafəyə qaçışda yeganə avropalı olub.
"Avropanın ən yaxşı yüngül atleti"nə sentyabrın 27-dək səs vermək olar. Qaliblər Avropanın Yüngül Atletika Assosiasiyasının oktyabrın 17 -də Budapeştdə keçiriləcək iclasında elan olunacaq və mükafatlandırılacaq.
2008-ci ildə Avropada ilin yüngül atletləri Yelena İsinbayeva və nizəatma üzrə olimpiya çempionu norveç Andreas Torklidsen olub.