Azərbaycan, Bakı, 2 noyabr / Trend , muxbir H.Bağırov/
Azərbaycan məhkəməsi yaşayış binasında insan ölümü ilə nəticələnən partlayışda təqsirləndirilənlərə hökm oxuyub.
Trend -un məlumatına görə, Ağır Cinayətlərə Dair İşlər üzrə Məhkəmədə Nizami rayonu, Naxçıvanski küçəsi, 34 nömrəli binada partlayışda təqsirləndirilən Elman Niftəliyev və Rəşid Şıxməmmədova hökm oxunub. Məhkəmənin hökmü ilə Niftəliyevə cəzasını məntəqə tipli müəssisədə çəkməklə 2 il 6 ay azadlıqdan məhrumetmə, Şıxməmmədova isə 6 ay sınaq müddətinə 1 il şərti cəza verilib.
Dekabrın 13-də Bakının Nizami rayonu, Naxçıvanski küçəsi, 34 nömrəli binada partlayış baş verib. Nəticədə 40 mənzil yararsız vəziyyətə düşüb, 3 nəfər dünyasını dəyişib.
Hadisəyə görə məsuliyyətə cəlb olunanlar həmin mənzilin təmirini aparan fəhlələr olub.
Məqalə müəllifi ilə əlaqə ünvanı: [email protected]
