Azərbaycan, Bakı, 18 dekabr / Trend , müxbir M.Əliyev/
Azərbaycanın Ekologiya və Təbii Sərvətlər Nazirliyi 2009-cu ilin11 ayı ərzində qanun pozuntusu ilə əlaqədar olaraq hüquqi və fiziki şəxsləri 1 457 min manat cərimələyib ki, bunun da 220 min manatı ödənilib. Bu barədə Ekologiya Nazirliyinin mətbuat xidmətindən Trend -a bildirilib.
Ətraf mühitə zərər verməklə bağlı olaraq tətbiq edilmiş cərimənin məbləği 1 716 min manat təşkil edib ki, bunun da 63,8 min manatı ödənilib.
Qeyd olunan dövr ərzində, su resurslarının effektiv istifadəsinə dair ekoloji qanunvericiliyin pozulmasi ilə əlaqədar olaraq təxminən 175,1 min manat cərimə tətbiq edilib və bunun da 17,3 min manatı ödənilib.
Atmosfer havasının çirkləndirilməsinə görə təxminən 275,2 min manat cərimə tətbiq edilib və bunun 60,9 min manatı ödənilib, torpağın müdafiəsinə dair 25,8 min manat məbləğində cərimə müəyyən olunub və 3,8 min manatı ödənilib. Floranın müdafiəsi üzrə cərimə 161 min manat təşkil edib və bu cərimənin 35 min manatı ödənilib.