Azərbaycan, Bakı, 23 dekabr / Trend , müxbir F.Hüseynli/
"Bakı" klubunun "MDB və Baltikyanı ölkələrin çempionlarının Birlik kuboku" turnirində rəqibləri müəyyənləşib.
Trend -un məlumatına görə, son Azərbaycan çempionu Finlandiyanın HİK, Qazaxıstanın "Aktobe" və Tacikistanın "Vaxş" klubları ilə birgə B qrupunda yer alıb.
Oyunlar yanvarın 16-dan 24-dək Rusiyanın paytaxtı Moskvada keçiriləcək.
A qrupu: "Dnepr" (Belarus), "Dordoy-Dinamo" (Qırğızıstan), "Metallurq" (Latviya), "Rubin" (Rusiya).
B qrupu: "Bakı" (Azərbaycan), HİK (Finlandiya), "Aktobe" (Qazaxıstan), "Vaxş" (Tacikistan).
C qrupu: "Dinamo" (Ukrayna), MTTU (Turkmənistan), "Levadiya" (Estoniya), Rusiya klub yığması
D qrupu: "Bunedkor" (Özbəkistan), "Ekranas" (Litva), "Daçiya" (Moldova), "Pünik" (Ermənistan).