Azərbaycan, Bakı, 02 mart / Trend , müxbir M.Əliyev/
Azərbaycanlı tələbələr ikiqat diplom: Azərbaycan Dillər Universiteti (ADU) və Britaniyanın Esseks Universiteti tərəfindən tanınan diplom ala biləcəklər. Bu barədə Dillər Universitetinin məlumatında deyilir.
İki ali təhsil müəssisəsinin əməkdaşlığı məsələsinə dair ADU-nun rektoru Səməd Seyidov və Esseks Universitetinin nümayəndələri doktor Elen Emeri və doktor Nilufər Demirkan arasında ilkin razılaşma imzalanıb.
Təhsil proqramına əsasən, Azərbaycan Dillər Universitetinin ingilis dili fakültəsinin tələbələri ilk iki ili Dillər Universitetində, növbəti iki ili isə Esseks Universitetində təhsil almaq imkanı əldə edir.