Azərbaycan, Bakı, 7 mart /Trend, müxbir K.Zərbalıyeva/
Azərbaycan Tibb Universitetinin Tədris Terapevtik Klinikasına yeni direktor təyin olunub.
Səhiyyə Nazirliyinin mətbuat xidmətindən bazar ertəsi Trend-ə verilən məlumata görə, nazirliyin bu gün keçirilən kollegiyasında yeni direktorun adı açıqlanıb.
Klinikaya Musayev Surxay Novruz oğlu yeni direktor təyin olunub.
Musayev 1974-cü ildə Azərbaycan Dövlət Tibb İnstitutunu fərqlənmə diplomu ilə bitirib. 1989-1992-ci illərdə Moskva Tibb Akademiyasının Uşaq xəstəlikləri kafedrasında doktorant olub və tibb elmləri doktoru alimlik dərəcəsi üçün dissertasiya müdafiə edib. 1992-ci ildən bu günə kimi ATU-da İlk uşaq xəstəlikləri kafedrasında professor vəzifəsində çalışır.