Azərbaycan, Bakı, 23 iyun /Trend/
Minsk şəhərində yüngül atletika idman növü üzrə beynəlxalq turnir keçirilib.
Gənclər və İdman Nazirliyinin mətbuat xidmətindən cümə axşamı Trend-ə bildiriblər ki, milli komandanın üzvü Dmitri Marşin atletikanın çəkic atma proqramında 74.04 m nəticə göstərərək 3-cü yerə sahib olub.
Nəticə olimpiya normativinə uyğun olduğuna görə Dmitri Maşin London Olimpiadasına ölkəmiz üçün ilk lisenziyanı qazanıb.
Qeyd edək ki, Dmitri Marşin "Ümid" klubunun nümayəndəsidir.
