...

Qafqaz Müsəlmanları İdarəsi Ramazan ayının başlanması ilə əlaqədar fətva verib

Cəmiyyət Materials 28 İyul 2011 11:07 (UTC +04:00)
Qafqaz Müsəlmanları İdarəsinin (QMİ) Qazılar Şurası Ramazan ayının başlanması ilə əlaqədar fətva verib.
Qafqaz Müsəlmanları İdarəsi Ramazan ayının başlanması ilə əlaqədar fətva verib

Trend-i buradan izləyin

Azərbaycan, Bakı, 28 iyul /Trend, müxbir T.Hacıyev/

Qafqaz Müsəlmanları İdarəsinin (QMİ) Qazılar Şurası Ramazan ayının başlanması ilə əlaqədar fətva verib.

Trend-in məlumatına görə, Qazılar Şurasının cümə axşamı keçirilən iclasında bildirilib ki, Ramazan ayının ilk günü bu il miladi təqvimlə avqustun 1-də başlayır və iyul ayının 31-i niyyət gecəsidir.

Ayın görünməsindən asılı olaraq Ramazan Bayramı Ramazan ayının 29-u və ya 30-na (miladi təqvimlə avqustun 30-na və ya 31-nə ) təsadüf edəcək.

QMİ Ramazan orucunu tutanlara kömək məqsədilə Şamaxı Astrofizika Rəsədxanası ilə birgə xüsusi cədvəl və yaddaş kitabçası hazırlayıb.

Cədvələ riayət olunmasının təmin edilməsi qazılara, yerlərdəki səlahiyyətli nümayəndələrə, axundlara, imamlara həvalə olunub.

QMİ-nin tərtib etdiyi cədvələ əsasən, Qədr gecələri Ramazan ayının 18-dən 19-na, 20-dən 21-nə, 22-dən 23-nə, və 26-dan 27-nə keçən gecələrə təsadüf edir.

Xəbər lenti

Xəbər lenti