Videorolik əlavə olunub (birinci xəbər 04:21-də yayılıb)
Azərbaycan, Bakı, 18 avqust /Trend/
Madridin "Real" klubu və "Barselona" arasında İspaniya Superkuboku uğrunda keçirilmiş final matçının ikinci oyunu başa çatdı.
Nou Kamp stadionunda təşkil olunmuş oyun, kataloniyalıların 3:2 hesablı qələbəsi ilə nəticələndi.
Meydan sahiblərinin tərkibində 17-ci dəqiqədə A.İnyesta, 45 və 90-cı dəqiqələrdə isə Lionel Messi dublya imza ataraq komandasına qələbə qazandırdı.
Realın tərkibində isə Kriştiano Ronaldo və Karim Benzema qollara imza atdılar.
Komandalar arasında ilk oyun 2:2 hesablı heç-heçə ilə yekunlaşdı.