Azərbaycan, Bakı, 7 sentyabr /Trend, müxbir İ.İsabalayeva/
"Turizm haqqında" qanun layihəsi razılaşdırılması üçün müxtəlif dövlət qurumlarına verilib.
Trend-in məlumatına görə, Mədəniyyət və Turizm Nazirliyinin Turizm şöbəsinin müdiri Aydın İsmiyev jurnalistlərə açıqlamasında bildirib ki, layihə razılaşdırıldıqdan sonra Milli Məclisə təqdim ediləcək.
"Bütün dünyada turizm sektorunda tur-operator və tur-agent inkişaf edib. Bunlar Azərbaycanda da olmalıdır. Layihədə də bu məsələ təklif edilir", - İsmiyev əlavə edib.