Azərbaycan sinoptikləri istirahət günü mülayim isti hava şəraiti vəd edir

Azərbaycan, Bakı, 15 oktyabr /Trend, müxbir T.Hacıyev/

Azərbaycan sinoptikləri bazar günü ölkə ərazisində mülayim isti hava şəraiti vəd edir.

Ekologiya və Təbii Sərvətlər Nazirliyi Milli Hidrometeorologiya Departamentindən şənbə günü Trend-ə bildiriblər ki, Bakıda və Abşeron yarımadasında oktyabrın 16-da hava şəraitinin gün ərzində dəyikən buludlu, əsasən yağmursuz keçəcəyi gözlənilir. Şimal-qərb küləyi əsəcək, gündüz mülayim cənub küləyi ilə əvəz olunacaq.

Havanın temperaturu gecə 13-18, gündüz 21-26 dərəcə təşkil edəcək.

Azərbaycanın rayonlarında oktyabrın 16-da hava şəraitinin əsasən yağmursuz keçəcəyi, səhər bəzi yerlərdə duman olacağı gözlənilir. Lakin axşam Lənkəran-Astara bölgəsində qısamüddətli az yağış yağacağı ehtimalı var. Qərb küləyi əsəcək.

Havanın temperaturu gecə 11-16, gündüz 22-27, dağlarda gecə 6-11, gündüz 18-23 dərəcə təşkil edəcək.

Yaxın 2 gün ərzində Abşeron yarımadasında hava şəraitinin mülayim, əsasən yağmursuz keçəcəyi gözlənilir.