...

Azərbaycanın təhsil sistemində elektron imza tətbiq ediləcək

Cəmiyyət Materials 19 Oktyabr 2011 14:13
Azərbaycan Təhsil Nazirliyi ölkənin təhsil sistemində elektron imzanın və elektron sənəd dövriyyəsinin tətbiqi ilə bağlı layihə hazırlayıb.
Azərbaycanın təhsil sistemində elektron imza tətbiq ediləcək

Trend-i buradan izləyin

Azərbaycan, Bakı, 19 oktyabr /Trend, müxbir İ.İsabalayeva/

Azərbaycan Təhsil Nazirliyi ölkənin təhsil sistemində elektron imzanın və elektron sənəd dövriyyəsinin tətbiqi ilə bağlı layihə hazırlayıb. Bu barədə çərşənbə günü Trend-ə Təhsil Nazirliyi yanında Təhsil Sisteminin İnformasiyalaşdırılması İdarəsinin rəisi Samir Məmmədov deyib.

Onun sözlərinə görə, layihə artıq Nazirlər Kabinetə təqdim olunub.

"Bu yeniliklərin gələn ildən tətbiq olunacağı gözlənilir. Bunun üçün maliyyə vəsaiti də ayrılmalıdır", - Məmmədov deyib.

O bildirib ki, elektron imza və elektron sənəd dövriyyəsi ilkin mərhələdə Təhsil Nazirliyi və rayon, şəhər təhsil şöbələrində tətbiq ediləcək.

Sonrakı mərhələdə isə bunun bütün təhsil müəssisələrində reallaşdırılması nəzərdə tutulur.

Məmmədov deyib ki, elektron imzanı hər bir müəssisə Rabitə və İnformasiya Texnologiyaları Nazirliyinin Hesablama Mərkəzindən alacaq. Elektron imzanın tətbiqi nəticəsində sənədlərin yerlərə çatdırılması vaxtına qənaət ediləcək, şəffaflığa nail olunacaq.

Xəbər lenti

Xəbər lenti