Azərbaycanda bəzi çaylarda daşqın olub

Azərbaycan, Bakı, 17 aprel / Trend müxbir İ.İsabalayeva/

Aprelin 16-sı axşamdan 17-si səhərədək intensiv yağışların yağması nəticəsində Kişçay, Şinçay, Əyriçay, Başdaşağılçayda sululuq artıb, qısamüddətli daşqın olub.

Ekologiya və Təbii Sərvətlər Nazirliyinin mətbuat xidmətindən çərşənbə axşamı Trend-ə verilən məlumata görə, aprelin 16-sı axşamdan 17-si səhərədək ölkə ərazisində hava şəraiti qeyri-sabit keçib, əksər rayonlarda yağış yağıb, şimşək çaxıb, bəzi yerlərdə intensiv olub.

Rvarudda (Lerik) 35 mm, Kişçayda (Şəki) 38 mm, Başdaşağılçayda (Şəki) 24 mm, Şəkidə 22 mm, Balakəndə 21 mm, Daşkəsəndə 15 mm, Mingəçevirdə 14 mm, Lənkəranda 12 mm, Göygöldə (qoruq) 11 mm, Naftalan, Şəmkirdə 10 mm, Zaqatalada 9 mm, Sarıbaş (Qax), Xınalıq (Quba), Gəncədə 6 mm, Ağstafada 5 mm, Gədəbəy, Astara, Yardımlıda 3 mm, Salyan, Tovuzda 2 mm, Bərdə, Oğuz, Şamaxı, Göytəpədə 1 mm, Göyçay, İmişli, Tərtər, Mərəzə, Ələtdə 0.0-0.7 mm, Naxçıvan MR-da 1-2 mm, Qaradağda 2 mm yağıntı düşüb.

Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az

Trend-in ən mühüm və maraqlı xəbərlərini "Telegram"da izləyin