Azərbaycan, Bakı, 16 sentyabr /Trend/
Bakının "Binə" ticarət mərkəzində generatorun yanması nəticəsində zəhərlənmə faktı ilə bağlı Qaradağ rayon Prokurorluğunda Cinayət Məcəlləsinin müvafiq maddəsi ilə cinayət işi açılıb, istintaq aparılır. Bu barədə Trend-ə Baş Prokurorluğun mətbuat xidmətinin rəhbəri Eldar Sultanov bazar günü bildirib.
Qeyd edək ki, generatorun yanması nəticəsində tüstü udmasından 70-dən çox adam zəhərlənmişdi. Xəsarət alanlardan 65 nəfər artıq evə buraxılıb.
Generatorun yanması insanlar arasında kiçik cüzi təşviş yaradıb, ancaq bir müddət sonra ticarət mərkəzi normal qaydada işini davam etdirib.