Azərbaycan, Bakı, 6 dekabr /Trend, müxbir K.Zərbalıyeva/
Bu gecə saat 00:00-dan Bakının Nəsimi rayonu ərazisində Mərkəzi Hərbi Klinik Hospitalın qarşısındakı küçə bağlanır.
Bakı Şəhər Dövlət Yol Polisi İdarəsinin bölmə rəisi Vaqif Əsədov Trend-ə bildirib ki, gecə saat 00:00-dan etibarən Cəlil Məmmədquluzadə küçəsinin Ceyhun Səlimov küçəsi ilə kəsişməsindən Asif Məhərrəmov küçəsi ilə kəsişməsinədək olan hissəsi (Mərkəzi Hərbi Klinik Hospitalın (keçmiş Papanin hospitalı) yanından körpüyə qədər) qeyri-müəyyən müddətədək tam bağlanacaq.
Sürücülərdən alternativ yollardan istifadə etmələri xahiş olunur.