Azərbaycan, Bakı, 13 dekabr /Trend, müxbir İ.İsabalayeva/
2020-ci ilədək Azərbaycanda 12 illik ümumi təhsil sisteminə keçid təmin ediləcək. Trend-in məlumatına görə, bu barədə "Azərbaycan 2020: gələcəyə baxış" İnkişaf Konsepsiyası" layihəsində bildirir.
Layihədə qeyd edilir ki, şagirdlərin idrak fəallığını, ümumi inkişafını ləngidən mövcud "yaddaş məktəbi"ndən "təfəkkür və düşüncə məktəbi"nə keçidin təmin olunması məqsədilə sistemli tədbirlər həyata keçiriləcək.
Eyni zamanda, həmin müddətədək təhsil təmayüllər üzrə təşkil olunacaq. İstedadlı uşaqlar üçün inkişafetdirici fərdi proqramlar yaradılacaq. Xüsusi qayğıya ehtiyacı olan, sağlamlıq imkanları məhdud uşaqlar üçün müxtəlif inkişafetdirici, korreksiyaedici və inklüziv təhsil proqramları tətbiq ediləcək.