Azərbaycan, Bakı, 13 fevral /Trend, müxbir H.Vəliyev/
"Azerfon" MMC "Azərbaycan Hava Yolları" aviaşirkətinin 4 təyyarəsinin göyərtəsində mobil rabitə xidmətlərinin göstərilməsinə başlayıb. Bu barədə çərşənbə günü Trend-ə "Azerfon" MMC-dən bildiriblər.
"Nar Mobile" şəbəkəsinin abunəçiləri "Nar Air" tarif planından istifadə edəcəklər. Təyyarələrin göyərtəsində daxil və xaric olan zənglərin 1 dəqiqəsinin qiyməti 2 manat təşkil edəcək. Qısa ismarıcın göndərilməsi (SMS) 0,50 manat (daxil olan SMS-lər pulsuzdur) olacaq. MMS-in göndərilməsinin qiyməti 2,6 manat, 1 meqabayt GPRS isə 9 manat təşkil edəcək.
"Azerfon" MMC-nin AZAL-ın təyyarələrində mobil rabitə xidmətlərinin göstərilməsi üzrə aviaşirkətlə 10 illik eksklüziv sazişi var.