Azərbaycan, Bakı, 6 mart / Trend müxbir M.Əliyev/
Azərbaycan Televiziya və Radio Verilişləri (AzTV) Qapalı Səhmdar Cəmiyyəti üçün iki korpusdan ibarət 3 mərtəbəli yeni televiziya studiyaları tikiləcək.
Trend-in məlumatına görə, bu barədə Azərbaycan hökumətinin 2012-ci il üzrə hesabatında bildirilir.
Hesabatda qeyd olunur ki, 2013-cü ildə və sonrakı illərdə ölkəmizin ictimai-siyasi mədəni və idman həyatında baş verəcək əlamətdar hadisələri yüksək səviyyədə işıqlandırılması vacibliyini nəzərə alaraq cəmiyyətdə iki korpusdan ibarət 3 mərtəbəli yeni televiziya studiyalarının tikintisinə başlanılır.
Bu kompleksi sabit elektrik enerjisi ilə təmin etmək üçün yarımstansiyanın tikintisi, Bayıl və Badamdardan gələn elektrik xətlərinin yeniləşdirilməsi işləri sona çatmaq üzrədir.
Hesabatda qeyd olunur ki, ən yeni çəkiliş, montaj və studiya avadanlıqları ilə təmin olunan AzTV nəinki Azərbaycanda, həm də MDB məkanında ilk dəfə olaraq rəqəmsal yayımın son göstəricilərindən olan, yüksək keyfiyyətli görüntünü və siqnal axınını təmin edən İMX formatına keçib.