Azərbaycan, Bakı, 13 may /Trend, müxbir İ.İzzət/
Səfərbərlik və Hərbi Xidmətə Çağırış üzrə Dövlət Xidmətinin rəisi general-leytenant Arzu Rəhimov vətəndaşları qəbul edəcək.
Qurumun mətbuat xidmətindən Trend-ə verilən məlumata görə, Azərbaycanın Səfərbərlik və Hərbi Xidmətə Çağırış üzrə Dövlət Xidmətinin rəisi general-leytenant Arzu Rəhimov mayın 18-i saat 09:00-da Xidmətin Aparatının inzibati binasında (Bakı şəhəri Səbail rayonu, Zərifə Əliyeva, 30) Zəngilan, Cəbrayıl, Qubadlı, Şuşa, Laçın, Xocalı və Kəlbəcər rayonlarının sakinlərinin qəbulunu həyata keçirəcək.
Qəbula yazılmaq istəyən vətəndaşların mayın 17-dək Səfərbərlik və Hərbi Xidmətə Çağırış üzrə Dövlət Xidmətinin adları qeyd olunan rayon bölmələrinə müraciət etmələri və qeydiyyatdan keçmələri zəruridir.