Azərbaycan, Bakı, 29 may /Trend, müxbir M.Əliyev/
Bu il Azərbaycanda Avro 3 standartının tətbiqinə başlana bilər.
Trend-in məlumatına görə, bunu çərşənbə günü jurnalistlərə Standartlaşma, Metrologiya və Patent üzrə Dövlət Komitəsinin sədri Ramiz Həsənov bildirib.
Həsənovun sözlərinə görə, Avro 3 standartı qəbul olunsa da, bunun tətbiqi uzun proses olduğundan vaxtı müəyyənləşməlidir: "Bu məsələ həm avtomobillərə, həm də bizdə istehsal olunan yanacaqlara aiddir və proses bərabər getməlidir".
O hesab edir ki, Azərbaycan Dövlət Neft Şirkəti də Avro 3-ün tətbiqinə hazırdır.
Həsənov qeyd edib ki, satışa çıxarılan yanacaqların monitorinqi qrafik üzrə həyata keçirilir. O, aparılan monitorinqlərin nəticəsi olaraq ciddi çatışmazlıqların şahidi olmadıqlarını da söyləyib.
...