Azərbaycan, Bakı, 19 sentyabr /Trend, müxbir A.Tağıyeva/
Türkiyə polisi xidməti vəzifəsindən sui-istifadə etməkdə və özəl şirkətlərlə sövdələşmələrin nəticələrini saxtalaşdırmaqda təqsirləndirilən bəzi dövlət məmurlarının həbsi ilə bağlı əməliyyat keçirib.
Trend-in "Anadolu" agentliyinə istinadən verdiyi məlumata görə, polis 45 nəfəri saxlayıb, onlar arasında yüksəkvəzifəli hərbi məmurlar da var.
Saxlanılanlar Türkiyənin Təhlükəsizlik üzrə Baş Müdiriyyətinin Maliyyə cinayətləri şöbəsinə təhvil verilib.