...

Varşava Təbiət Elmləri Universiteti ilə ADAU arasında birgə əməkdaşlıq memorandumu imzalanıb (FOTO)

Cəmiyyət Materials 25 Aprel 2014 13:28 (UTC +04:00)
25 aprel 2014-cü il tarixdə Varşava Təbiət Elmləri Universitetinin rektoru professor, doktor Alojzi Szimanski, prorektor professor Vieslav Bielavski, rektor ofisinin rəhbəri professor Anna Zuçovska və beynəlxalq əlaqələr şöbəsinin müdiri professor Miçezlav Riqalski Azərbaycan Dövlət Aqrar Universitetinə səfər ediblər.
Varşava Təbiət Elmləri Universiteti ilə ADAU arasında birgə əməkdaşlıq memorandumu imzalanıb (FOTO)

Azərbaycan, Bakı, 25 aprel /Trend/

25 aprel 2014-cü il tarixdə Varşava Təbiət Elmləri Universitetinin rektoru professor, doktor Alojzi Szimanski, prorektor professor Vieslav Bielavski, rektor ofisinin rəhbəri professor Anna Zuçovska və beynəlxalq əlaqələr şöbəsinin müdiri professor Miçezlav Riqalski Azərbaycan Dövlət Aqrar Universitetinə səfər ediblər.

Universitetdən Trend-ə verilən məlumata görə, səfərin məqsədi iki universitet arasında ikitərəfli memorandumun imzalanması, əməkdaşlıq əlaqələrinin qurulması, aqrar sektor üzrə birgə elmi tədqiqatların aparılmasıdır.

Rektor və nümayəndə heyəti ilə təşkil edilən görüşdə ADAU-nun rektoru professor İbrahim Cəfərov Azərbaycan Dövlət Aqrar Universiteti və onun Respublikanın kənd təsərrüfatı sektorundakı rolu barədə qonaqlara ətraflı məlumat verib. Rektor qeyd edib ki, ADAU respublikanın aqrar sektoru üçün daim yüksəkixtisaslı və peşakar kadrlar hazırlayıb. Boloniya prosesinə qoşulan universitetdə yüksək səviyyədə tədris prosesi həyata keçirilir. İ.Cəfərov onu da qeyd edib ki, bu gün universitetin maddi-texniki bazasının və tələbələrin praktik vərdişlərinin inkişaf etdirilməsi istiqamətində çoxsaylı işlər həyata keçirilir və bu ənənə bundan sonra da uğurla davam etdiriləcək.

Varşava Təbiət Elmləri Universitetinin rektoru professor Alojzi Szimanski də öz növbəsində hər iki Universitet arasında yaxın gələcəkdə birgə elmi tədqiqat və konfransların keçirilməsinin, tələbə-müəllim mübadiləsi prosesinin labüdlüyünü qeyd edib. O, bildirib ki, hər iki Universitetdə fakültələr və tədris proqramları arasında böyük uyğunluqlar mövcuddur.

Odur ki, yaxın gələcəkdə fakültə dekanları arasında da bu cür qarşılıqlı görüşlərin keçirilməsi məqsədəuyğun olardı.
Sonra hər iki universitet rektoru birgə əməkdaşlıq memorandumu imzalayıblar.

Məqalədə:
Xəbər lenti

Xəbər lenti