...

Müəllimlər İnstitutunun Qazax filialının sabiq direktorunun həbsdən azad olunmasına rəsmi reaksiya

Cəmiyyət Materials 24 İyun 2014 12:18
İstintaqın nəticəsi barədə ictimaiyyətə əlavə məlumat veriləcək.
Müəllimlər İnstitutunun Qazax filialının sabiq direktorunun həbsdən azad olunmasına rəsmi reaksiya

Trend-i buradan izləyin

Azərbaycan, Bakı, 24 iyun /Trend/

Bəzi kütləvi informasiya vasitələrində Müəllimlər İnstitutunun Qazax filialının sabiq direktoru İsa Veysovun qanunsuz hərəkətləri ilə bağlı Baş prokuror yanında Korrupsiyaya qarşı Mübarizə Baş İdarəsində başlanmış cinayət işinin istintaqının guya yekunlaşdırılaraq baxılması üçün məhkəməyə göndərilməsi, həmçinin İ.Veysovun barəsində seçilmiş həbs qətimkan tədbirinin dəyişdirilərək həbsdən azad olunması barədə informasiyalar yayılıb.

Baş Prokurorluğun mətbuat xidmətinin rəhbəri Eldar Sultanovun Trend-ə verilən məlumata görə, həmin informasiyalar həqiqəti əks etdirmədiyindən təkzib olunur. Hazırda qeyd edilən cinayət işi üzrə istintaq tədbirləri davam etdirilir və İ.Veysovun barəsində seçilmiş həbs qətimkan tədbiri dəyişdirilməyib.

İstintaqın nəticəsi barədə ictimaiyyətə əlavə məlumat veriləcək.

Məqalədə:
Xəbər lenti

Xəbər lenti