Azərbaycan, Bakı, 11 fevral /Trend/
Rabitə və Yüksək Texnologiyalar Nazirliyi (RYTN) uşaqların internet təhlükəsizliyi üzrə "Ağ siyahı" hazırlayacaq.
Nazirlikdən Trend-ə verilən məlumata görə, RYTN tərəfindən uşaqların internet təhlükəsizliyi üzrə "Ağ siyahı"nın ("white list") hazırlanması nəzərdə tutulur. "Ağ siyahı"ya uşaqların maraq dairəsini əhatə edən, faydalı məzmuna malik veb saytlar daxil ediləcək.
Eyni zamanda, uşaqlar üçün zərərli hesab olunacaq məzmunda veb-saytların əngəllənməsi üçün qanunvericilikdə dəyişikliklər ediləcək.