Azərbaycan, Bakı, 5 iyun /Trend/
Hər zaman sosial layihələrə dəstək olan "AtaBank" ASC bu dəfə də 1 iyun-Uşaqları Beynəlxalq Müdafiə Günündə 270-dən çox azyaşlı və məktəbli uşaqların qaldığı Şağan qəsəbəsində fəaliyyət göstərən 1 saylı uşaq internat evini ziyarət edib.
Bankdan Trend-ə verilən məlumata görə, valideyn himayəsindən kənarda qalmış bu uşaqlar gələn qonaqları çox böyük həyəcan və sevinclə qarşıladılar. "AtaBank" ASC tərəfindən uşaqlar üçün nahar süfrəsi təşkil olunub.
Beləcə, bank heyəti uşaq evinin kiçik sakinləri ilə maraqlı zaman keçiriblər. Sonda uşaqlarla birgə xatirə şəkli çəkilib.
Bu tip Korporativ Sosial Məhsuliyyət yönümlü tədbirlərin keçirilməsində əsas məqsəd cəmiyyətin diqqət və mənəvi qayğıya ehtiyacı olan təbəqəsinə dəstək olmaq, onlardan diqqət və qayğını əsirgəməməkdir.
1993-cü ildən fəaliyyət göstərən "AtaBank" ASC Azərbaycanın ən böyük kommersiya strukturlarından biridir. Bu gün "AtaBank" yüksək texnologiyalı universal bank olmaqdadır. Bakıda və ölkənin müxtəlif regionlarında Bankın 26 filial və şöbəsi fəaliyyət göstərir. Bank korporativ və fərdi müştərilərə tam xidmətlər spektrini təqdim edir.