...

Prokurorluq orqanlarına qəbulla bağlı müsabiqənin yazılı imtahan mərhələsi iyulun 28-də keçiriləcək

Cəmiyyət Materials 21 İyul 2015 18:52
Prokurorluq orqanlarına qulluğa qəbulla bağlı müsabiqənin yazılı imtahan mərhələsi iyulun 28-də keçiriləcək.
Prokurorluq orqanlarına qəbulla bağlı müsabiqənin
yazılı imtahan mərhələsi iyulun 28-də keçiriləcək

Trend-i buradan izləyin

Azərbaycan, Bakı, 21 iyul /Trend/

Prokurorluq orqanlarına qulluğa qəbulla bağlı müsabiqənin yazılı imtahan mərhələsi iyulun 28-də keçiriləcək.

Baş Prokurorluğun mətbuatr xidmətindən Trend-ə verilən məlumata görə, prokurorluq orqanlarının kadr korpusunun daha da möhkəmləndirilməsini və işə qəbulun aşkarlıq şəraitində demokratik və şəffaf prosedurlar əsasında beynəlxalq tələblər səviyyəsində aparılmasını təmin edən Azərbaycan Respublikası Prezidentinin 19 iyun 2001-ci il tarixli Fərmanı ilə təsdiq edilmiş "Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında Əsasnamə"yə uyğun olaraq Baş Prokurorluq tərəfindən elan edilmiş müsabiqənin yazılı imtahan mərhələsi 28 iyul 2015-ci il tarixdə saat 10:00-dan başlayaraq 4 saat ərzində Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinin inzibati binasında vahid auditoriyada (ünvan: Bakı şəhəri, Binəqədi rayonu, S.Bəhlulzadə küçəsi, 10 A) keçiriləcək.

Yazılı imtahana buraxılmış namizədlər "Yazılı imtahana buraxılış vərəqəsi"ni və şəxsiyyət vəsiqəsini təqdim etməklə imtahanda iştirak edə bilərlər. İmtahanın keçirilməsi qaydalarına dair məlumat "Yaddaş kitabçası"nda əks etdirilib.

Namizədlər "Yazılı imtahana buraxılış vərəqəsi"ni və "Yaddaş kitabçası"nı 23-24 iyul 2015-ci il tarixlərdə saat 10:00-dan 18:00-dək şəxsiyyət vəsiqəsini təqdim etməklə Baş Prokurorluğun əsas inzibati binasının qəbul otağında (ünvan: Bakı şəhəri, Səbail rayonu, N.Rəfibəyli küçəsi, 7) ala bilərlər.

İmtahanla bağlı ətraflı məlumat almaq üçün 437-28-56, 492-62-23, 492-63-62 və 492-74-32 nömrəli telefonlar vasitəsilə müraciət etmək olar.

Məqalədə:
Xəbər lenti

Xəbər lenti