...

BDU-nun liseyində 20 Yanvar şəhidləri anılıb (FOTO)

Cəmiyyət Materials 18 Yanvar 2016 16:35 (UTC +04:00)
"Gənc İstedadlar" liseyində 20 Yanvar şəhidlərinin anım mərasimi keçirilib.
BDU-nun liseyində 20 Yanvar şəhidləri anılıb (FOTO)

Bakı. Trend:

Bakı Dövlət Universitetinin (BDU) nəzdində fəaliyyət göstərən "Gənc İstedadlar" liseyində 20 Yanvar şəhidlərinin anım mərasimi keçirilib.

Universitetin Mətbuat və informasiya şöbəsindən Trend-ə verilən məlumata görə, tədbir iştirakçıları əvvəlcə şəhidlərin əziz xatirəsini 1 dəqiqəlik sükutla yad ediblər.

20 Yanvar faciəsinin Azərbaycan xalqının qan yaddaşına yazılmış qəhrəmanlıq salnaməsi olduğunu deyən liseyin direktoru, professor Qasım Hüseynov 20 yanvar gecəsində Azərbaycan xalqının öz azadlığı, müstəqilliyi uğrunda apardığı mübarizənin dəhşətlərindən bəhs edib.

Sonra BDU-nun dosenti Nuru Məmmmədov məruzə edib. Tarixçinin maraqlı məruzəsindən məlum olub ki, son arxiv araşdırmalarına görə, yanvar olaylarında əslində 147 respublika vətəndaşı şəhid olub.

Daha sonra liseyin 7A sinif şagirdləri Abbas Cavidan, Ləman İsmayılova və Məsmə Fərhadova 20 Yanvar hadisəsi ilə bağlı şeirlər söyləyiblər.

Məqalədə:
Xəbər lenti

Xəbər lenti