...

BMT Baş Qərargahında Azərbaycanın və 7-ci Qlobal Forumun təqdimatı keçirilib

Cəmiyyət Materials 19 Yanvar 2016 11:44
BMT Baş Qərargahında Azərbaycanın və 7-ci Qlobal Forumun təqdimatı keçirilib.
BMT Baş Qərargahında Azərbaycanın və 7-ci Qlobal Forumun təqdimatı keçirilib

Trend-i buradan izləyin

Bakı. İlhamə İsabalayeva - Trend:

BMT Baş Qərargahında Azərbaycanın və 7-ci Qlobal Forumun təqdimatı keçirilib.

Trend Mədəniyyət və Turizm Nazirliyinin saytına istinadən bildirir ki, BMT-nin Baş qərargahında BMT Sivilizasiyalar Alyansının əlaqələndiricilərinin "İnamın yaradılması: zorakı ekstremizmin qarşısının alınması istiqamətində əlaqələr" mövzusunda keçirilən iclası keçirilmişdir. İclasda BMT-yə və Sivilizasiyalar alyansının dostlaq Qrupuna daxil olan ölkələrin rəsmiləri iştirak etmişdir.

İclasda 25-27 aprel 2016-cı il tarixində Bakı şəhərində keçiriləcək BMT Sivilizasiyalar Alyansının 7-ci Qlobal Forumunun proqramı, rəsmi internet səhifəsinin və təşkilatı məsələlərin müzakirə edilmişdir.

İclasda çıxış edən BMT-nin Sivilizasiyalar Alyansı üzrə Ali nümayəndəsi Nasser Abduləziz əl Nassir hazırda ekstermizimin qarşısının alınması və müxtəlif mədəniyyətlər, dinlərin təmsilçiləri arasında dialoq və sülhün möhkəmləndirilməsi üçün BMT-yə üzv olan ölkələr öz səylərini daha da artırmalı olduqlarını bildirərək, bu istiqamətdə BMT Sivilizasiyalar Alyansına dəstəyə görə Azərbaycan dövlətinə və şəxsən Prezident İlham Əliyevə öz minnətdarlığını bildirmiş, habelə 7-ci Qlobal Forumun Bakıda ən yüksək səviyyədə təşkil ediləcəyinə əminliyini ifadə etmişdir.

Tədbirdə Azərbaycan tərəfdən Mədəniyyət və Turizm Nazirliyinin Beynəlxalq əməkdaşlıq şöbəsinin müdiri, BMT Sivilizasiyalar Alyansının 7-ci Qlobal Forumunun Təşkilat Komitəsinin katibi Vasif Eyvazzadə çıxış edərək Foruma hazırlığın vəziyyəti, internet portalından istifadə qaydaları, Azərbaycanın müasir mədəniyyətlərarası proseslərdə rolu barədə çıxış edərək iştirakçılara ətraflı məlumat təqdim etmişdir.

Tədbirdə Mədəniyyət və Turizm Naziri, 7-ci Qlobal Forumun Təşkilat Komitəsinin sədri Əbülfəs Qarayevin video müraciəti və Azərbaycan haqqında təqdimat filmi də nümayiş etdirilmişdir. İclasda həmçinin Prezident İlham Əliyevin müvafiq sərəncamı ilə 2016-cı ili "Multikulturalizm ili" elan edilməsinin əhəmiyyəti barədə fikirlər səsləndirilmiş və qeyd edilmişdir ki, bu addım 7-ci Qlobal Forumun əhəmiyyətini daha da artırmışdır.

Məqalədə:
Xəbər lenti

Xəbər lenti