...

Azərbaycanda 30 mindən çox şagirdə “Şahmat” fənni keçirilir

Cəmiyyət Materials 22 Yanvar 2016 13:17 (UTC +04:00)
Azərbaycanın orta məktəblərində “Şahmat” fənninin tədrisinə 30 mindən çox şagird cəlb edilib.
Azərbaycanda 30 mindən çox şagirdə “Şahmat” fənni keçirilir

Bakı. İlhamə İsabalayeva-Trend:

Azərbaycanın orta məktəblərində "Şahmat" fənninin tədrisinə 30 mindən çox şagird cəlb edilib.

Təhsil Nazirliyindən Trend-in sorğusuna bildirilib ki, hazırda ölkə üzrə 492 pilot ümumtəhsil məktəbinin 2, 3 və 4-cü siniflərində "Şahmat" fənni tədris olunur. Fənnin tədrisi ilə bağlı plan, proqram, dərslik hazırlanıb, məktəblər lazımi inventar və avadanlıqla təchiz edilib.

2013-2014, 2014-2015-ci tədris illərində "Şahmat" fənni tədris olunan pilot ümumtəhsil məktəblərinin şagirdləri arasında 4 yaş qrupu üzrə respublika şahmat festivalı keçirilib. Qalib şagirdlər Təhsil Nazirliyi tərəfindən qiymətləndirilib.

Xatırladaq ki, ümumtəhsil məktəblərində "Şahmat" fənninin tədrisinə 2011-2012-ci dərs illndən başlanılıb. Şahmat dərslərinin təşkilində məqsəd Dövlət Proqramında nəzərdə tutulan tədbirləri həyata keçirmək, respublikamızda şahmat idman növünü daha da inkişaf etdirmək, şagirdlərin intellektual səviyyəsini yüksəltmək, şahmatın kütləviliyinə nail olmaqdır.

Məqalədə:
Xəbər lenti

Xəbər lenti