...

Sürücülərə şad xəbər (FOTO / VİDEO)

Cəmiyyət Materials 2 Fevral 2016 13:52
Nizami rayonunda Bəkir Çobanzadə küçəsində təmir-tikinti işləri həyata keçirilib.
Sürücülərə şad xəbər (FOTO / VİDEO)

Trend-i buradan izləyin

Bakı. Trend:

Nizami rayonunda Bəkir Çobanzadə küçəsində təmir-tikinti işləri həyata keçirilib.

"Azəryolservis" Açıq Səhmdar Cəmiyyətinin Mətbuat Xidmətindən Trend-ə verilən məlumata görə, təmir-tikinti işləri küçənin Mehdi Abbasov və Rüstəm Rüstəmov küçələri arasında yerləşən hissəsində aparılıb. Təmir işlərinin aparıldığı ərazinin uzunluğu 924 metr, küçənin ortalama eni isə 15 metrdir.

Təmir-tikinti işləri zamanı küçədə səth sularının normal kənarlaşdırılması üçün nəzərdə tutulmuş mövcud yağış-kanalizasiya sistemi yenilənib, zəruri olan yerlərdə yeni yağış barmaqlıqları qoyulub, kommunikasiya xətlərinin dəmir-beton plitələri qaldırılaraq, baxış qapaqları yenilərinilə əvəzlənib. Yeraltı kommunikasiya xətləri ( qaz, su, istilik, elektrik, rabitə ) yolun hərəkət hissəsindən kənara köçürülüb.

Piyadaların da rahatlığı nəzərə alınaraq təmir işləri çərçivəsində yol boyu hər iki istiqamət 1,5 metr enində yeni piyada səkiləri yaradılıb. Səkilərin kənarlarına 1800 paqon metr yeni səki daşları düzülüb.

Təmir-tikinti işləri zamanı küçənin köhnə asfalt-beton örtüyü yenisi ilə əvəzlənib. 2 qat olmaqla 14 min kvadrat metr sahəyə 11 sm qalınlığında yeni asfalt-beton örtüyünün döşənməsi işləri aparılıb.

"Azəryolservis" Açıq Səhmdar Cəmiyyətinin rəhbərliyinin nəzarəti altında aparılan təmir-tikinti işləri çərçivəsində Bəkir Çobanzadə küçəsində yolun hərəkət hissəsinin müəyyən ərazilərdə genişləndirməsi işləri aparılıb. Nəticədə yolun hərəkət hissəsi təqribən 300 metrlik məsafədə 5 metrə yaxın genişləndirilərək 12 metrə çatdırılıb. Bu isə öz növbəsində nəqliyyat vasitələrinin rahat və maneəsiz hərəkətinə müsbət təsir göstərmiş olub.

Müntəzəm sərnişin daşımaları ilə məşğul olan avtobuslar üçün 2 ədəd xüsusi "cib"li dayanacaqların yaradılması istiqamətində də addımlar atılıb. Avtobus "cib"lərinin uzunluğu 15 metr, eni isə 3 metrdir.

Qeyd edək ki, küçədə aparılan kompleks tədbirlər çərçivəsində cəmiyyət tərəfindən işıqlandırma sistemi işlək vəziyyətə gətirilib, nəqliyyat vasitələrinin hərəkətinin tənzimlənməsi məqsədi ilə zəruri olan yerlərdə yol nişanları quraşdırılıb, yol cizgi xətlərinin və yol göstərici xətlərinin çəkilişi işləri aparılıb.

Məqalədə:
Xəbər lenti

Xəbər lenti