Bakı. Trend:
2016-cı ilin yanvar ayı ərzində Azərbaycanda 1,571,130 kv.m ərazi yoxlanılıb, mina və partlamamış hərbi sursatdan (PHS) təmizlənib.
Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) Trend-ə verilən məlumata görə, ötən ay 89 ədəd PHS aşkar edilərək zərərsizləşdirilib.
Əməliyyatlarda 509 nəfər minaaxtaran mütəxəssis, 122 nəfər yardımçı heyət, həmçinin 6 mexaniki minatəmizləmə maşını və 39 minaaxtaran it iştirak edir.
İndiyədək cəmi 316,302,056 kv.m ərazi təmizlənib. Tapılıb zərərsizləşdirilmiş mina və PHS-lərin sayı 714,027-dir.
Agentlik tərəfindən təmizləmə əməliyyatları Qazax, Ağstafa, Ağcabədi, Ağdam, Gəncə, Samux, Füzuli və Tərtər rayonlarında davam etdirilir.
2016-cı ilin yanvar ayı ərzində mina/PHS hadisəsi qeydə alınmayıb.