...

Sürücülərə şad xəbər (FOTO)

Cəmiyyət Materials 24 Fevral 2016 12:47
M.Xiyabani küçəsinin bir hissəsi təmir edilib.
Sürücülərə şad xəbər  (FOTO)

Trend-i buradan izləyin

Bakı. Trend:

M.Xiyabani küçəsinin bir hissəsi təmir edilib.

Bu barədə Trend-ə "Azəryolsevis" Açıq Səhmdar Cəmiyyətinin Mətbuat Xidmətindən məlumat verilib.

Bakı şəhərində avtonəqliyyat vasitələrinin, həmçinin vətəndaşların rahat, maneəsiz və təhlükəsiz şəkildə hərəkətini təmin etmək məqsədi ilə "Azəryolsevis" Açıq Səhmdar Cəmiyyəti tərəfindən aparılan kompleks tədbirlər çərçivəsində Yasamal rayonu Məhəmməd Xiyabani küçəsinin bir hissəsində təmir-tikinti işləri aparılıb.

Təmir işlərinin aparıldığı ərazi Həsən bəy Zərdabi və Abbas Mirzə Şərifzadə küçələri arasında yerləşir. Həmin hissənin uzunluğu 320 metr, eni isə 9 metrdir. Təmir-tikinti işləri çərçivəsində yolun köhnə asfalt-beton örtüyü yenisi ilə əvəzlənib. Yenilənmə işləri zamanı küçənin təqribən 3 min kvadrat metr sahəsinə yeni asfalt-beton örtüyü döşənib. Səkilər abadlaşdırılıb və asfaltlanıb, zəruri olan yerlərdə səki daşları yenilənib, kommunikasiya xətlərinin dəmir-beton plitələri qaldırılaraq baxış qapaqları dəyişdirilib.

M.Xiyabani küçəsində aparılan təmir işləri çərçivəsində nəqliyyat vasitələrinin hərəkətinin tənzimlənməsi məqsədi ilə zəruri olan yerlərdə yol nişanları quraşdırılıb, yol cizgi xətlərinin və yol göstərici xətlərinin çəkilişi işləri aparılıb.

Məqalədə:
Xəbər lenti

Xəbər lenti