Bakı. Samir Əli - Trend:
"Bakı Metropoliteni" Qapalı Səhmdar Cəmiyyəti 8 mart - Beynəlxalq Qadınlar Günü münasibətilə növbəti tədbirlər planının icrasına başlayıb. Bu barədə Trend-ə "Bakı Metropoliteni" QSC-nin mətbuat xidmətinin rəhbəri Nəsimi Paşayev məlumat verib.
Qurum rəsmisi bildirib ki, 8 mart - Beynəlxalq Qadınlar Günü münasibətilə Bakı metropoliteninin bütün stansiyalarında təbrik lövhələri yerləşdirilib.
Metro stansiyalarının xanım əməkdaşlarının iş rejiminə gəlincə isə, N.Paşayev bildirib ki, əslində sabah qeyri-iş günü olsa da, metro əvvəlki rejimində işləyəcək və metronun xanım əməkdaşları da əvvəlki qaydada vəzifələrini icra edəcək.