...

Xaricdəki azərbaycanlıların ölkəyə gəlmələri üçün turizm layihələri həyata keçiriləcək

Cəmiyyət Materials 13 Noyabr 2016 10:30 (UTC +04:00)
Xaricdə yaşayan azərbaycanlıların ölkəyə gəlmələrinə şərait yaratmaq üçün dövlət tərəfindən sosial turizm layihələri həyata keçiriləcək.
Xaricdəki azərbaycanlıların ölkəyə gəlmələri üçün turizm layihələri həyata keçiriləcək

Bakı. İlhamə İsabalayeva - Trend:

Xaricdə yaşayan azərbaycanlıların ölkəyə gəlmələrinə şərait yaratmaq üçün dövlət tərəfindən sosial turizm layihələri həyata keçiriləcək.

Milli Məclisdən Trend-ə verilən məlumata görə, bu, yeni hazırlanan “Turizm haqqında” qanun layihəsində nəzərdə tutulub.

Sosial turizm üzrə xərclər isə dövlət büdcəsi, eləcə də yerli, bələdiyyə büdcələri hesabına, habelə könüllülük əsasında öz işçiləri və ya digər şəxslərin xeyrinə sosial turları maliyyələşdirən fərdi sahibkarın, hüquqi şəxsin və ya digər təşkilatın hesabına həyata keçirilir.

Layihədə qeyd edilir ki, dövlət tərəfindən dövlət qulluqçularının xeyrinə sosial turizmin maliyyələşdirilməsi halları, həcmi və bu maliyyələşdirmə ilə əhatə olunan dövlət qulluqçularının dairəsi müvafiq icra hakimiyyəti orqanı tərəfindən müəyyən edilir.

Sosial turizmlə bağlı reklam sosial reklam hesab olunacaq.

Məqalədə:
Xəbər lenti

Xəbər lenti