Bakı. Maksim Tsurkov - Trend:
Bu gün Bakıda Milli Gimnastika Arenasında qadın və kişi idman gimnastikası üzrə Azərbaycan çempionatı və Bakı birinciliyi, eləcə də akrobatika gimnastikası üzrə Azərbaycan çempionatının ikinci gününə start verilib.
Trend-in məlumatına görə, 2 gün davam edəcək turnirdə ümumilikdə 150-dən çox idmançı çempion adı uğrunda mübarizə aparacaq. Onlar Bakı Gimnastika Məktəbi, “Ocaq Sport” Klubu, Respublika Olimpiya İdman Liseyi və Sumqayıt şəhərini təmsil edirlər.
Çempionatın ikinci günü uşaqlar (2004-2005), yeniyetmələr (2002-2004), gənclər (2000-2002) və böyüklər (1999-cu il təvəllüdlülər və daha böyüklər) yaş kateqoriyalarında kişi idman gimnastları, həmçinin 2009-2010-cu il təvəllüdlü qadın idman gimnastları çıxış edəcək.
