...

Azercell-in dəstəyi ilə səyyar Mobil göz klinikası ötən il 864 nəfərə pulsuz xidmət göstərib (FOTO)

Cəmiyyət Materials 6 Fevral 2018 19:11
"Azercell Telekom"un dəstəyi ilə səyyar Mobil göz klinikası ötən il 864 nəfərə pulsuz xidmət göstərib.
Azercell-in dəstəyi ilə səyyar Mobil göz klinikası ötən il 864 nəfərə pulsuz xidmət göstərib (FOTO)

Trend-i buradan izləyin

Bakı. Trend:

Ölkədə 20 ildən artıq müxtəlif istiqamətdə sosial məsuliyyət layihələri həyata keçirən "Azercell Telekom"un dəstəyi ilə səyyar Mobil göz klinikası ötən il 864 nəfərə pulsuz xidmət göstərib.

Yanvar ayı ərzində klinikanın həkimləri Kürdəmir rayonunda məskunlaşan 36 məcburi köçkün və qaçqına yardım ediblər. Müayinələr nəticəsində eynək reseptləri yazılıb, müalicələr təyin edilib. Eyni zamanda, Əmircan qəsəbəsi 13 saylı və Hövsan qəsəbəsi 23 saylı poliklinikada 58 nəfər müayinə olunub. Sabunçu rayonu Sosial Müdafiə Fondunun dəstəyi ilə isə 42 nəfər müayinədən yararlanıb.

Fevral ayında həkimlər Bilgəh və Şağan qəsəbəsində ümumilikdə 78 nəfəri müayinə ediblər. Bilgəh qəsəbəsi 11 saylı internat məktəbində 42, Şağan qəsəbəsi Əlilliyi olanlar üçün müalicəvi pansionatda 36, Nərimanov rayonu "Qızıl Aypara" cəmiyyətində isə 32 nəfər müayinəyə cəlb olunub.

Yaz aylarında da klinikanın həkimləri yüksək və aktiv fəaliyyətləri ilə seçiliblər. Mart ayında həkimlər Nərimanov rayonundakı Rus icmasına, Gəncə şəhərində SOS Uşaq kəndindəki uşaqlara və Lökbatan qəsəbəsində məskunlaşan qaçqınlara xidmət göstəriblər.

Aprel və may aylarında Mobil göz klinikasının həkimləri Pirşağı qəsəbəsi 10 saylı internat evində 29, İcra Hakimiyyətinin dəstəyi ilə Pirallahı qəsəbəsində yaşayan 30 imkansız şəxsə, Yasamal və Nizami rayonunda 84 nəfərə, Xaçmaz rayonu Gödəkli kəndi tam orta məktəbinin 35 şagirdinə xidmət göstəriblər. İyun ayında isə klinikanın həkimləri Bakının Yasamal və Dərnəgül rayonlarında məskunlaşan 43 məcburi köçkün və qaçqını, eyni zamanda 20-ci sahə “Qızıl Aypara“ Cəmiyyətində 25 nəfəri müayinə və müalicə ediblər. Mobil höz klinikası Xaçmaz rayonunda məskunlaşan 28 nəfər məcburi köçkünə də yardım edib. Sumqayıt şəhərində məskunlaşan 28 məcburi köçkünə isə klinikanın həkimləri iyul ayında xidmət göstəriblər. Avqust ayında isə Xırdalan şəhəri “Sevinc” uşaq bağçasında məskunlaşan məcburi köçkün, o cümlədən Buzovnada yardımda ehtiyacı olan 59 nəfər müayinədən yararlanıb. Binə qəsəbəsində “Ümid yeri” sığınacağında 31 nəfər, Buzovnada isə 1 saylı psixonevroloji sosial xidmət müəssisəsində 22 nəfər oktyabr ayında həkimlərin müayinə və müalicəsinə cəlb olunub.

"Azercell Telekom" və “Xəzər Qayğıkeşlik Layihəsi" İctimai Birliyinin dəstəyi ilə fəaliyyət göstərdiyi bu illər ərzində klinika artıq Bakı şəhərindəki bir çox internat məktəblərinə, uşaq evlərinə səfər edib. Bakı ilə yanaşı, klinikanın həkimləri ölkənin bir çox bölgələrində müalicəyə ehtiyacı olan insanlara xidmət göstəriblər.

Daha ətraflı məlumat üçün: [email protected]

Məqalədə:
Xəbər lenti

Xəbər lenti