.jpg)
Bakı. Trend:
Siyəzən Rayon Polis Şöbəsində ümummilli lider Heydər Əliyevin anadan olmasının 95-ci ildönümünə həsr edilmiş tədbir keçirilib.
Trend-in məlumatına görə, tədbirdə polis veteranlar şurasının nümayəndələri, təhsil şöbəsinin əməkdaşları və rayon ziyalıları iştirak ediblər.
RPŞ-nin rəisi, polis polkovniki Valik Vəlimətov çıxış edərək, ulu öndərin həyatından, Azərbaycan dövləti və xalqı qarşısındakı əvəzsiz xidmətlərindən danışaraq bildirib ki, Heydər Əliyevin Azərbaycanın tarixində xüsusi yeri var. O, bildirib ki, müstəqilliyin ilk illərində parçalanmaq, məhv olmaq təhlükəsi ilə üz-üzə qalan dövlətimizin xilas edilərək gücləndirilməsi, ordu quruculuğu, ictimai-siyasi vəziyyətin sabitləşməsi, qazanılan sosial-iqtisadi nailiyyətlər ulu öndərin adı ilə bağlıdır.
Sonra çıxış edən Polis Veteranlar Şurasının sədri Yəhya Nəzərov, Təhsil Şöbəsinin nümayəndəsi Vuqar Abdullayev və əməkdar müəllim Cəfər Bağırov ümummilli lider Heydər Əliyevin şərəfli ömür yolundan və milli dövlətçilik tariximizdə əvəzsiz fəaliyyətindən danışıblar.
Tədbirin sonunda iştirakçılar Heydər Əliyevin rayon ərazisində olan abidəsini ziyarət edib, önünə tər çiçəklər düzüblər.