...

İlahiyyat İnstitutunda “Nitq - fikir və düşüncələr təzahürü” mövzusunda təlim keçirilib

Cəmiyyət Materials 25 Dekabr 2018 10:01 (UTC +04:00)
Azərbaycan İlahiyyat İnstitutunda (Aİİ) İctimai Televiziya və Radio Yayımları Şirkətinin peşəkar aparıcısı Saleh Bağırovun təqdimatında “Nitq - fikir və düşüncələr təzahürü” mövzusunda seminar keçirilib.
İlahiyyat İnstitutunda “Nitq - fikir və düşüncələr təzahürü” mövzusunda təlim keçirilib

Bakı. Trend:

Azərbaycan İlahiyyat İnstitutunda (Aİİ) İctimai Televiziya və Radio Yayımları Şirkətinin peşəkar aparıcısı Saleh Bağırovun təqdimatında “Nitq - fikir və düşüncələr təzahürü” mövzusunda seminar keçirilib.

Aİİ-dən Trend-ə verilən məlumata görə, İnstitutun Tədris şöbəsinin müdiri Zərifə Əliyeva seminar iştirakçılarını salamlayaraq bildirib ki, təhsil müəssisəsi tələbələrin dünyagörüşünün, intellektual səviyyəsinin, mənəvi dünyasının zənginləşdirilməsi, elmi axtarışlara sövq edilməsi yönündə ardıcıl “dəyirmi masa”lar, treninqlər, seminarlar, görüşlər keçirilir.

Z.Əliyeva mütaliə, sosial məsuliyyət vərdişlərinin aşılanması, o cümlədən, nitq mədəniyyətinin, fərdi özünüifadə bacarıqlarının inkişaf etdirilməsi üçün İnstitutda ötən dövr ərzində maarifləndirmə istiqamətində xeyli iş görüldüyünü qeyd edib. O, mövzunun əhəmiyyətinə toxunaraq, Aİİ-nin təhsilin keyfiyyətinə xüsusi önəm verməklə yanaşı, tələbələrin ictimai-mədəni fəaliyyətinin təşkili üçün də səylə çalışdığını bildirib.

İctimai Televiziya və Radio Yayımları Şirkətinin peşəkar aparıcısı Saleh Bağırov “Nitq – fikir və düşüncələr təzahürü” mövzusunda çıxışı zamanı qeyd edib ki, istənilən peşədə doğru və düzgün nitqin olması vacibdir. S.Bağırov nitqin formalaşmasında mütaliənin rolunun böyük olduğunu vurğulayıb. Nitq mədəniyyətində mövcud problemlərdən danışarkən qeyd edilib ki, təlim, təhsil və tərbiyədə olan yanlışlıqların aradan qaldırılması vacibdir.

Bildirilib ki, nitqin elmiliyi nitq mədəniyyətinin birinci və əsas şərti olan nitqin düzgünlüyünə əsaslanmalıdır. Belə ki, dilin fonetik, leksik və qrammatik qaydalarına tam şəkildə əməl olunmalıdır.

Seminarın sonunda S.Bağırov tələbələrin suallarını cavablandırıb, onlarla fikir mübadiləsi aparıb.

Məqalədə:
Xəbər lenti

Xəbər lenti