...

Azərbaycan Universiteti “DOST xonçası” kampaniyasına qoşulub (FOTO)

Cəmiyyət Materials 19 Mart 2019 18:29 (UTC +04:00)
Azərbaycan Universiteti Əmək və Əhalinin Sosial Müdafiəsi Nazirliyinin Novruz bayramı münasibətilə başlatdığı “DOST xonçası” kampaniyasına qoşulub.
Azərbaycan Universiteti “DOST xonçası” kampaniyasına qoşulub (FOTO)

Bakı. Trend:

Azərbaycan Universiteti Əmək və Əhalinin Sosial Müdafiəsi Nazirliyinin Novruz bayramı münasibətilə başlatdığı “DOST xonçası” kampaniyasına qoşulub.

Nazirlikdən Trend-ə verilən məlumata görə, kampaniya çərçivəsində universitetin əməkdaşları Bakının Bilgəh kəndində tənha yaşayan 83 yaşlı Ağakərim Babayevin qonağı olub, “DOST xonçası”nı təqdim ediblər. Ağakərim Babayevi Azərbaycan Universitetinin kollektivi adından təbrik edən universitet əməkdaşları onunla həmsöhbət olublar.

Qeyd edək ki, Nazirliyin keçirdiyi aksiyada məqsəd tənha ahıl, yaşlı insanları ziyarət etmək, onlarla bayramlaşmaq, cəmiyyətdə ahıllara diqqət və qayğını aşılamaq, nəsillərdən nəsillərə ötürülən bu adət-ənənəmizi qoruyub saxlamaqdır. Aksiyaya hər qurum və hər kəs qoşula bilər. Aksiyanı davam etdirənlərdən bu barədə “facebook” səhifəsində postlarını #dostxonçası “hashtag”ı altında paylaşmaları xahiş olunur.

Məqalədə:
Xəbər lenti

Xəbər lenti