...

Bakıda əsas yollarda "Sarı zolağ"ın tətbiqinə başlanır! (SİYAHI)

Cəmiyyət Materials 8 İyul 2019 19:05 (UTC +04:00)
XV Avropa Yay Olimpiya Gənclər Festivalı ilə əlaqədar müəyyən edilən marşrut üzrə əsas yol şəbəkəsində “Sarı zolaq” tətbiq ediləcək.
Bakıda əsas yollarda "Sarı zolağ"ın tətbiqinə başlanır! (SİYAHI)

Bakı. Samir Əli - Trend:

Bakıda keçiriləcək XV Avropa Yay Olimpiya Gənclər Festivalı ilə əlaqədar müəyyən edilən marşrut üzrə əsas yol şəbəkəsində “Sarı zolaq” tətbiq ediləcək.

Bakı Nəqliyyat Agentliyindən Trend-ə verilən məlumata görə, məqsəd idmançıların və digər rəsmilərin idman obyektlərinə vaxtında çatmasını təmin etməkdir.

Məlumatda deyilir ki, ilk “Sarı zolağın” çəkilişinə iyulun 8-i axşam saatlarında Ziya Bünyadov prospektində başlanılacaq. Zolaqların çəkilişi ilə əlaqədar müvafiq nişanlanma işləri aparılacaq və yol nişanları qoyulacaq:

"Sürücülərə tövsiyə edirik ki, müəyyən olunan müddətdə sarı zolağın tələbin əməl etsinlər. Əvvəlki illərin təcrübəsinə əsaslanaraq ümid edirik ki, Avropa və İslam Həmrəyliyi Oyunlarında olduğu kimi bu dəfə də hərəkət iştirakçıları qoyulan qaydalara anlayışla yanaşıb nəzərdə tutulan nəqliyyat tədbirlərinin vaxtında və uğurla reallaşmasına dəstək olacaqlar".

Xatırladaq ki, Avropa Gənclər Yay Olimpiya Festivalı iyulun 21-27-də Bakıda keçiriləcək. Yarışlarda iştirak etmək üçün Azərbaycana 3600-dən çox idmançı və texniki nümayəndə heyəti gələcək. Atletlər idmanın on növü - gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş yarışlarında qüvvələrini sınayacaqlar. Festival zamanı 12 idman obyektində 2500-dən çox könüllü fəaliyyət göstərəcək.

Sarı zolaq çəkilən küçə və prospektlər

İstiqamət

Zolağ

Qara Qarayev prospekti

Əli Vəliyev küçəsi ilə kəsişmədən Babək prospektinə kimi

sol

Qara Qarayev prospekti

Babək prospektindən Əli Vəliyev küçəsinə kimi

sol

Üzeyir Hacıbəyov küçəsi

Sərdar Səfərov küçəsindən Azadlıq prospektinə kimi

sağ

Azadlıq prospekti

Üzeyir Hacıbəyov küçəsindən Zərifə Əliyeva küçəsinə kimi

sol

Zərifə Əliyeva küçəsi

Azadlıq prospektindən Rəsul Rza küçəsinə kimi

sol

Neftçilər prospekti

Rəsul Rza küçəsindən Niyazi küçəsinə kimi

sol

Neftçilər prospekti

Niyazi küçəsindən Rəsul Rza küçəsinə kimi

sol

Atatürk prospekti

Ziya Bünyadov prospektindən Həsən Əliyev küçəsinə kimi

sol

Atatürk prospekti

Həsən Əliyev küçəsindən Ziya Bünyadov prospektinə kimi

sol

Hənifə Ələsgərov

Vaqif prospektindən Cəlil Məmmədquluzadə küçəsinə kimi

sol

Tbilisi prospekti

HAA-nın çıxışından Əbdülvahab Salamzadə küçəsinə kimi

sol

Moskva prospekti

Rövşən Cəfərov küçəsindən Rəşid İsmayılov küçəsinə kimi

orta/sol

Moskva prospekti

2-ci Alatava küçəsindən Müzəffər Həsənov küçəsinə kimi

sol

Rəşid İsmayılov küçəsi

Moskva prospektindən İpək Yoluna kimi

sol

Neftçilər prospekti

Sərdar Səfərov küçəsindən Afiyəddin Cəlilov küçəsinə kimi

sol

Ziya Bünyadov prospekti

Koroğlu Nəqliyyat Mübadilə Mərkəzindən 20 yanvar dairəsinə kimi

sol

Ziya Bünyadov prospekti

20 yanvar dairəsindən Koroğlu Nəqliyyat Mübadilə Mərkəzinə kimi

Sol

Məqalədə:
Xəbər lenti

Xəbər lenti