Bakı. Samir Əli - Trend:
Fevralın 24-dən bu günə qədər Azərbaycanda 24 milyondan artıq tibbi maska satışa çıxarılıb.
Trend-in məlumatına görə, bunu Nazirlər Kabineti yanında Operativ Qərargahın brifinqində Nazirlər Kabinetinin Mətbuat xidmətinin rəhbəri İbrahim Məmmədov deyib.
O bildirib ki, qapalı yerlərdə tibbi maskalardan istifadə mütləqdir: "Satışa çıxarılan 24 milyon maskadan 18 milyonu satılıb. Hazırda 6 milyon tibbi maska ehtiyatda saxlanılır. Gün ərzində ölkədə 250 min maska istehsal edilir. Həmçinin may ayının sonuna qədər 10 milyon tibbi maska ehtiyat üçün Azərbaycana gətiriləcək".