Bakı. Elçin Mehdiyev – Trend:
20 mindən çox ictimai iş yeri hələ də boşdur, lakin bəzi insanlar o işlərdə işləməkdənsə, 190 manat birdəfəlik yardımı almağa üstünlük verirlər.
Trend-in məlumatına görə, bunu Azərbaycan Prezidentinin İqtisadi məsələlər üzrə köməkçisi Şahmar Mövsümov bu gün Nazirlər Kabineti yanında Operativ Qərərgahın birifinqində deyib.
Ş.Mövsümov bildirib ki, bir sıra şəxslər dövlətdən aldığı 190 manatı bir ay ərzində istifadə etməyib. O qeyd edib ki, həmin şəxslər növbəti ay 190 manatdan məhrum edilib: “Bu şəxslər o vəsaiti istifadə etməyibsə, deməli ona ehtiyacı olmayıb”.