...

GoldenPay/Hesab.az və İNAYƏ xeyriyyə ictimai birliyinin “Gözünüz arxada qalmasın” aksiyasında əməkdaşlığı baş tutdu!

Cəmiyyət Materials 22 Dekabr 2020 16:19 (UTC +04:00)
GoldenPay/Hesab.az və İNAYƏ xeyriyyə ictimai birliyinin “Gözünüz arxada qalmasın” aksiyasında əməkdaşlığı baş tutdu!

Bakı. Trend:

Azərbaycan tarixinin ən şanlı qələblərindən olan 2-ci Qarabağ müharibəsində qələbəmizi cəsur və yenilməz Azərbaycan əsgərinə borcluyuq. Vətən uğrunda canlarından, qanlarından keçən hər kəsə ömrümüzün sonuna kimi borcluyuq. Şəhidlərimizin, qazı və əsgərlərimizin bizə əmanət etdiyi ailələrinə sahib çıxmaq, maddi, mənəvi olaraq yanlarında olmaq hər birimizin insanlıq, vətəndaşlıq borcumuzdur. Bu təşəbbüslə GoldenPay/Hesab.az və İNAYƏ xeyriyyə ictimai birliyinin “Gözünüz arxada qalmasın” aksiyası çərçivəsində xeyriyyə məqsədli əməkdaşlığı baş tutdu.

“Gözünüz arxada qalmasın” aksiyası çərçivəsində Bakı, Qəbələ və Daşkəsən şəhərlərində daha 120 ailəyə GoldenPay/Hesab.az və xeyriyyəçi insanların dəstəyi ilə ərzaq sovqatı çatdırıldı.

Daim olaraq sosial məsuliyyət layihələrində, aksiyalarında iştirak edən, xeyriyyə məqsədli görülən işlərə dəstəyini göstərən GoldenPay/Hesab.az şirkəti növbəti dövrdə də sosial məsuliyyət kampaniyalarında aktiv şəkildə iştirak etməyi planlayır.

İNAYƏ xeyriyyə ictimai birliyinə maddi yardım edərək və aztəminatlı Şəhid, qazi, əsgər ailələrinə dəstək ola bilərsiniz. Dəstək üçün: https://bit.ly/3qFzXzF

Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.

2011-ci ilin aprel ayında GoldenPay şirkəti Hesab.az - Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, stasionar və mobil rabitə, internet, bank kreditlərinin ödənişi, onlayn sığorta, kinoteatra bilet və sair xidmətlərin alışı /ödənişi mümkündür.

Məqalədə:
Xəbər lenti

Xəbər lenti